![](https://adti.uz/wp-content/uploads/2021/04/photo_2021-04-07_15-06-26.jpg)
Tajriba almashinuvlari amaliyotda yaxshi natija beradi. Bizning “Ibn Sino izdoshlari” jamoa a’zolarimiz bu gal Samarqand davlat tibbiyot institutida bo‘ldilar. Ham tajriba oshirish, ham ziyorat deganlaridek.
O‘zbekiston Respublikasi Prezidentining 2021-yil 9-fevraldagi “O‘zbekiston Respublikasida ichki va ziyorat turizmni yanada rivojlantirish chora-tadbirlari to‘g‘risida”gi Farmoni ijrosini ta’minlash maqsadida “Ibn Sino izdoshlari” jamoa a’zolari Samarqand davlat tibbiyot institutida bo‘ldilar. Ular simulyatsion ta’lim asosida “Favqulodda tez tibbiy yordam ko‘rsatish” bo‘yicha amaliy mashg‘ulot o‘tkazdilar.
Yurak-o‘pka reanimatsiya asoslari, desmurgiya, o‘tkir zaharlanishda birinchi yordam ko‘rsatish, favqulodda vaziyatlarda birinchi yordam ko‘rsatish borasida darslar tashkil etdilar. Ularning bu amaliy mashg‘ulotlardagi faolliklari mezbonlar tomonidan iliq qarshi olindi.