Pediatriya fakulteti xodimlari Andijon davlat tibbiyot institutiga biriktirilgan “Sanoat”, “Namuna”, “Xoʻtanariq” MFYlarida boʻldilar. Dastavval mahalla raisi, faollari, profilaktika noziri bilan boʻlgan suhbatda mahalladagi kam taʼminlangan, koʻp bolali, nogironligi bor oilalar, ularga koʻmaklashish, institut bilan hamkorlikda uyushmagan yoshlarni toʻgaraklarga jalb etish borasida fikrlar almashildi. Mahalla faollari bilan birga ularning holidan xabar olindi.
Shuningdek, mahalla aholisi bilan birgalikda “Salomatlik sari 5000 qadam” loyihasi tashkil etildi. Kimdir piyoda yurishni afzal bilsa, yana kimdir velosepedda sayr qildi. Barchaning istagi oʻzida, muhimi sogʻlom turmush tarzini shakllantirish.
