Andijon davlat tibbiyot institutiga biriktirilgan Marhamat tumanidagi uyushmagan yoshlar bilan ishlash boʻyicha samarali ishlar yoʻlga qoʻyilgan. Bu gal ham Yoshlar masalalari va maʼnaviy-maʼrifiy ishlar boʻyicha birinchi prorektor S.Salohiddinov, Stomatologiya fakultetining dekan oʻrinbosari X.Mahmudov hamda xodimlar tumandagi mavjud 48 ta MFYda olib borilayotgan islohotlar bilan yaqindan tanishdilar.
Shuningdek, mahallarning raislari, yoshlar yetakchilari bilan suhbatlar oʻtkazildi. Unda yoshlarni ish bilan taʼminlash, boʻsh vaqtlarini mazmunli tashkil etishga ham alohida toʻxtalib oʻtildi.
