Andijon davlat tibbiyot institutining malakali mutaxassislari tomonidan navbatdagi tibbiy ko‘rik Andijon shahridagi “Mehnat” MFYda joylashgan 33-o‘rta maktab binosida o‘tkazildi. Mazkur tadbirda institutning 15 turdagi mutaxassisliklardan iborat 22 nafar xodimlar ishtirok etdi. Ular 352 nafar aholini chuqurlashtirilgan tibbiy ko‘rikdan o‘tkazdilar. Ko‘ruvlar davomida 2 nafar bemor uy sharoitida tekshirildi, 97 nafar bemor ambulator sharoitda davolanishga, 2 nafar bemor viloyat davolash muassasalariga yo‘llanma orqali yuborildi. Tibbiy tekshiruvlarda 105 ta UTT, 87 ta EKG va 100 ta laborator tekshiruvlari olib borildi.
