Ilmiy kengashlar zalida rektor va professor-oʼqituvchilar yigʼilishi boʼlib oʼtdi. Unda institut rektori M. Madazimov Oʼzbekiston Respublikasi Prezident rahbarligida chet tillarini oʼqitishni takomillashtirishga bagʼishlangan videoselektor yigʼilishida belgilab berilgan vazifalar ijrosi haqida maʼlumotlar berdi.
Vazirlar Mahkamasi xuzuridagi Xorijiy tillarni oʼrganishni ommalashtirish agentligining tashkil etilishi, endi har bir viloyatda bittadan universitet chet tillari boʼyicha tayanch oliygoh sifatida belgilanishi, kelgusi yilda magistratura va doktoranturaga kiruvchilarga chet tilini bilish, xalqaro sertifikatga ega boʼlish tartibi, institutda faoliyat olib borayotgan chet tillari oʼqituvchilari malakasini oshirish, xalqaro sertifikatga ega boʼlishlari uchun shart-sharoitlar yaratish borasida ham maʼlumotlar berib, kafedra mudirlariga kerakli topshiriq va vazifalar belgilab berdi.
