Bugun, 30-oktabr kuni Andijon davlat tibbiyot institutida oktabr oyi ilmiy kengash yig‘ilishi bo‘lib o‘tdi. Yig‘ilishda institut rektori M.Madazimov, prorektorlar va Kengash a’zolari ishtirok etdi.
Institut rektori kun tartibini e’lon qilib, yig‘ilishni ochib berdi. Dastlab, an’anaviy tarzda ilmiy unvon va darajalar sohiblari, respublika hamda xalqaro tanlovlar g‘oliblari taqdirlandi.
Shundan so‘ng, Xalqaro aloqalar bo‘yicha prorektor F.Rasulov Xorijiy fakultet faoliyati boʼyicha maʼlumoti hamda Xalqaro aloqalar boʼlimining 2024-2025-oʼquv yilgi faoliyati boʼyicha hisoboti, O‘quv ishlari bo‘yicha prorektor v.v.b. Z.Mamasoliyev institut АRM faoliyati boʼyicha hisoboti va kafedralarda xorijiy til sertifikatini olish holati, Jismoniy va yuridik shaxslarni murojaatlari bilan ishlash, nazorat va monitoring boʼlimi boshligʼi R.Jalilov Jismoniy va yuridik shaxslarning murojaatlarini koʼrib chiqish hamda ijro intizomi borasida yanvar-oktabr oylarida amalga oshirilgan ishlar yuzasidan maʼlumoti tinglandi.
