Andijon davlat tibbiyot instituti oliy taʼlim muassasasi kengashining navbatdagi yigʻilishi boʻlib oʻtdi. Unda institutda Oʻzbekiston Respublikasi Konstitutsiyasi qabul qilinganligining 29 yilligiga tayyorgarlik, noyabr oyida oʻtkazilgan tadbirlar va korrupsiyaga qarshi kurashish boʻyicha amalga oshirilgan ishlar hisoboti koʻrib chiqildi.
Shuningdek, tayanch doktoranturaga kirgan va muddatida himoyaga chiqmagan tayanch doktorantlarni kafedralar kesimida muhokamasi, Xalqaro aloqalar boʻlimining 2020-2021-oʻquv yili faoliyatida amalga oshirilgan ishlar hisoboti tinglandi hamda xorijiy ilmiy maqolalarni nashrga tayyorlash boʻyicha mutaxassislar tomonidan professor-o’qituvchilarga tavsiyalar berildi.