Bugun, 14-fevral kuni Andijon davlat tibbiyot institutida Ilmiy ishlar va innovatsiyalar bo‘yicha prorektor K.Salohiddinov ishtirokida Scopus bazasiga kiritilgan jurnallarda 2023-yilda chop etilgan maqolalar tahlili va 2024-yil uchun qo‘yilgan rejalar haqida davra suhbati o‘tkazildi.
Unda kafedralar mudirlari, ilmiy ishlar bo‘yicha mas’ullar, mustaqil izlanuvchilar, doktorantlar ishtirok etdi. Davra suhbati davomida «Sience wep» MCHJ direktori U.Mirzaalimov so‘z olib, “Scopus”, uning bazasiga kiritilgan jurnallarda ishonchli tarzda maqolalar chop etish haqida ma’lumotlar berdi.
Mazkur jurnallarda nashr etiladigan maqolalarga qo‘yiladigan talablar haqida aytilib, ushbu jurnallarda o‘z ishlarini chop etishga qiynalayotgan professor-o‘qituvchilarga tavsiyalar berildi. Shuningdek, maqolalarni chop etib berish xizmatlarini taklif qiladigan soxta kompaniyalarga aldanib qolmaslik yuzasidan tushuntirish ishlari olib borildi.
