O‘zbekiston Respublikasi Prezidentining 2017-yil 16-fevraldagi PF-4958-son “Oliy o‘quv yurtidan keyingi ta’lim tizimini yanada takomillashtirish to‘g‘risida”gi Farmoni, O‘zbekiston Respublikasi Vazirlar Mahkamasining 2017-yil 22-maydagi 304-son “Oliy o‘quv yurtidan keyingi ta’lim tizimini yanada takomillashtirish chora-tadbirlari to‘g‘risida”gi qarori, O‘zbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2016-yil 28-yanvardagi 220/2-sonli qarori bilan tasdiqlangan va O‘zbekiston Respublikasi Adliya vazirligi tomonidan 2017-yil 23-iyunda 2764-1 raqam bilan ro‘yhatdan o‘tkazilgan “Malakaviy imtihonlarni o‘tkazish tartibi to‘g‘risidagi Nizom”ni ijrosini ta’minlash maqsadida bugun, 5-dekabr kuni Andijon davlat tibbiyot institutida “Profilaktik tibbiyot” mutaxassisligi bo‘yicha malakaviy imtihon o‘tkazildi.
Imtihon komissiyasiga professor N.Mamasoliyev raislik qildi. Imtihon hay’at a’zolari, professorlar: X.Tursunov, N.O‘zbekova va t.f.d., dotsent Sh.Yusupovadan iborat bo‘ldi.
Imtihon shartlariga ko‘ra savollar papkasi barchaning guvohligida ochildi va talabgorlar imtihon biletlarini tanlab oldi. Jarayonlar institutning Korrupsiyaga qarshi kurashish va Komplayens nazorat tizimini boshqarish bo‘limi xodimlari tomonidan kuzatib borildi.
Imtihonda 15 nafar falsafa doktorlik dissertatsiyalarini bajarayotgan talabgorlar sinovlardan muvaffaqiyatli o‘tdi.