Xabaringiz bor, Andijon davlat tibbiyot instituti Dog‘iston davlat tibbiyot universiteti bilan hamkorlikda Stomatologiya yo‘nalishida “3+2” qo‘shma ta’lim dasturini yo‘lga qo‘ygan.
Bugun, 3-iyul kuni Dog‘iston davlat tibbiyot universitetida talabalar hamda mazkur dasturda tahsil olgan bitiruvchilarga tantanali diplom topshirish marosimi bo‘lib o‘tdi. Joriy yilda qo‘shma ta’lim dasturini 16 nafar ilk “qaldirg‘ochlar” tamomlamoqda.
Mazkur tadbirda universitet rektori V.Y.Xanaliyev, prorektorlar, Andijon davlat tibbiyot institutining Stomatologiya fakulteti dekani D.To‘lanov va bitiruvchilar ishtirok etdi.
Barcha bitiruvchilarni ushbu quvonchli kun bilan samimiy qutlaymiz!
