Andijon davlat tibbiyot instituti

Andijon davlat tibbiyot institutining jismoniy tarbiya kafedrasi qoshida 1959-yilda davolash jismoniy tarbiyasi va shifokor nazorati fani o‘z faoliyatini boshladi. Kafedra mudiri A. Nogay edi. 1962 – yilda esa alohida kurs bo‘lib, dotsent Reznikov rahbarlikni faoliyat ko‘rsatadi. 1969 – 1973 – yillardan boshlab Litvak A.S. boshchiligida davom ettirdi. 1973-2005 yillargacha professor Jo‘rayev A.J. boshchiligida faoliyatni davom ettirgan, undan beri bir necha o‘zgarishlar bo‘ldi. 1975-yildan boshlab ADTI qoshidagi klinikaning fizioterapiya bo‘limiga ko‘chib o‘tilgan. 1976-yili dars soatlari ko‘payishi bilan kafedra deb e’lon qilindi. 1975 – yildan boshlab hozirgi kungacha dars soatlari ko‘payishi va ozayishi munosabati bilan kafedra – kurs va yana kafedra bo‘lib yuritila boshladi. Kafedra nomi qanday nomlanishidan qat’iy nazar qilinayotgan xizmat doirasi o‘zgarmadi. Ilmiy tadqiqot ishlari, davolash va yangi davolash usullarini amalda tatbiq qilish ishlari o‘z yo‘lida rivojlanib, davom etib kelmoqda. 1985-yildan davolash jismoniy tarbiyasi, shifokor nazorati kafedrasiga ADTI klinikasining bosh shifokori Abdullajonov A.A. 200 o‘rinli sanatoriya tipidagi balneofizioterapiya bo‘limlarini taqdim etdi (bizning qilgan xizmatlarimizga mukofot desak ham bo‘ladi). Bu maskanda talabalarni o‘qitish ishlari yanada yahshilandi. Har bir taklif qilingan yoki ixtiro qilingan usullarni bevosita qo‘llab, ular natijasini o‘zimiz va talabalar ko‘radigan bo‘ldi.
Bu hol talabalarni amaliy tajriba va mashg‘ulotlaridan olinayotgan taassurotlarini chuqurlashtirib ishonchliroq, aniqroq bilim olishga yordam bermoqda. Bu esa talabalarni va aholini bizning kafedramizga bo‘lgan qiziqishini oshiradi.