Assalomu alaykum, hurmatli talabalar, aziz yoshlar!
Bugun oliygohimiz bag‘rida ziyosi, irodasi va orzulari bilan porlab turgan siz — ilm yo‘lida sobitqadam, maqsad sari intiluvchan, kelajak tibbiyotining asosiy tayanchi bo‘lgan aziz talabalarimizning bayrami!
Sizning har biringiz — institutimizning yuragi, uning kelajagi va eng katta boyligisiz. Darslardagi tirishqoqligingiz, ilmga chanqoqligingiz, tanlagan kasbingizga bo‘lgan sadoqatingiz bilan bizga kuch, turtki va faxr bag‘ishlaysiz.
Bugungi tezkor, zamonaviy tibbiyot olamida sizning bilimga mehringiz, izlanuvchanligingiz va yangilikka intilishingiz — eng katta boylikdir. Ana shu yo‘lda biz, ustozlar va institut jamoasi, har doim sizning yoningizdamiz: bilim berib, qo‘llab-quvvatlaymiz, ilhombaxsh bo‘lamiz.
Aziz talabalar!
Sizning har bir kichik muvaffaqiyatingiz – institutimizning katta g‘alabasidir. Har bir yangilikka intilishingiz — ilm-fan taraqqiyoti sari tashlangan muhim qadamdir. Kelajakda shifokor, olim, jarroh, laboratoriya mutaxassisi yoki professor bo‘lishingizdan qat’iy nazar, eng asosiysi — insoniyat salomatligi uchun xizmat qiladigan ezgu yo‘lingizdan hech qachon qaytmang.
Barchangizga ilmiy marralarda ulkan zafarlar, doimiy kuch va quvvat, mustahkam sog‘liq, yorqin orzularingizning ro‘yobini tilayman!
Yulduzdek porlang, bilim bilan qurollaning, orzularingizni keng oching — kelajak sizniki!
Bayramingiz muborak, aziz talabalar!
Madamin Madazimov,
Andijon davlat tibbiyot instituti rektori, professor.