Stomatologiya fakultetining 3-bosqichida taxsil olayotgan talabalarning ota-onalari bilan yigʻilish oʻtkazildi. Unda fakultet dekani D.Toʻlanov, Yoshlar masalalari boʻyicha dekan oʻrinbosari X.Mahmudov, tyutorlar ishtirok etdi.
Yigʻilish avvalida ota-onalarga institut tartib-qoidalari, odob-ahloq meʼyorlari, kiyinish odobi borasida atroflicha yana bir bor maʼlumot berib oʻtildi. Talabalar turar joyi va ijara xonadonlarida yashayotgan talabalar nazorati, Yangi yil bayramini oila davrasida nishonlashda fakultet xodimlari bilan hamkorlik ish olib borishda faol ishtirok etishlari bildirildi.
Shuningdek, darslardagi faolligi hamda maʼdaniy-maʼrifiy tadbirlarda qatnashib kelayotgan talabalarning ota-onalariga institutning tashakkurnomasi taqdim etildi.