2018-yil 25-dekabr kuni ADTI ilmiy kengashlar zalida Murabbiylar kengashining navbatdagi yig‘ilishi bo‘lib o‘tdi. Yig‘ilishni institut yoshlar bilan ishlash bo‘yicha prorektori P.Asxanov olib bordi va barcha yig‘ilganlarni institut ma’muriyati nomidan yaqinlashib kelayotgan Yangi – 2019- yil bilan tabrikladi.
Shundan so‘ng, P.Asxanov kun tartibidagi muhim masalalar xususida gapirdi. Jumladan, talabalarni qishki ta’tilga kuzatish va ta’til vaqtlarini mazmunli o‘tkazishni tashkil etish va har xil masalalarga to‘xtaldi.
U o‘z so‘zida murabbiylarning axborot va murabbiylik soatini o‘tkazilishi, beriladigan topshiriqlar, tilxat yozdirish, ta’til davomida tibbiyotga oid va badiiy kitoblar mutolaa qilish, bayramni ota-ona va yaqinlari oldida o‘tkazish, mahalla va jamoat tashkilotlarida sog‘lom turmush tarzini targ‘ib qiluvchi tadbirlarda ishtirok etish, shuningdek, tarixiy joylar va muzeylarga turistik sayohatlar uyushtirish, bayram kunlarida turli pirotexnika vositalaridan foydalanmaslik, Yangi yil bayramini betalofat o‘tkazish kabi masalalar xususida tushuntirish berib o‘tdi. Kun tartibidagi masalalar yuzasidan institut Murabbiylar kengashi raisi A.Arzibekov murabbiylarning ta’til davomidagi mas’uliyatli ishlarini ta’kidlab, 154 nafar murabbiylarga tegishli vazifalarni tayinladi.