Oʻzbekiston Respublikasi Oliy taʼlim, fan va innovatsiyalar vazirligining tegishli buyrugʻiga asosan vazirlik huzurida tuzilgan Taʼlim-fan kengashi tomonidan shu yilning 25-avgustidan 5-sentabrga qadar hududlarda oʻrganishlar olib borilmoqda.
Maqsad, taʼlim muassasalarining 2023-2024-oʻquv yiliga auditoriyalar, laboratoriyalar va talabalar turar-joylarining tayyorgarlik holatini oʻrganish kabi qator masalalarni tekshirish va aniqlangan kamchiliklarni oʻz vaqtida bartaraf etishdan iborat.
Ishchi guruhining bugungi manzili Andijon davlat tibbiyot instituti bo‘ldi. Unda institutdagi o‘quv auditoriyalari, laboratoriya xonalari, talabalar yotoqxonasi, sport zallari, toʻgarak xonalari, ovqatlanish joylari, kutubxonalar va barcha tayyorgarlik ishlari tekshirilmoqda.
