Xabaringiz bor, Andijon davlat tibbiyot instituti hamda Dog‘iston davlat tibbiyot universiteti bilan hamkorlikda Qo‘shma ta’lim dasturi yo‘lga qo‘yilgan.
Mazkur qo‘shma ta’lim dasturining Stomatologiya yo‘nalishi 3-bosqichini muvaffaqiyatli tamomlagan talabalar 4-bosqichda o‘qishini Dog‘iston davlat tibbiyot universitetida davom ettirish maqsadida jo‘nab ketdi.
Ularga institutning Ilmiy ishlar va innovatsiyalar bo‘yicha prorektori K.Salohiddinov hamda mas’ullar universitet, yashash va ta’lim jarayoni bilan tanishtirish maqsadida hamrohlik qilmoqda.
Manzilda institutimiz jamoasi talabalar turar joyi bilan tanishish bilan birga tarixiy muzeyga tashrif buyurishga ham ulgurdi. Talabalarni kelgusidagi o‘qishlarida omad va zafarlar tilaymiz.
