Andijon davlat tibbiyot institutining Xotin-qizlar maslahat kengashi tomonidan talabalar turar joyidagi talaba-qizlar bilan uchrashuv oʻtkazildi. Unda xotin-qizlar masalalari boʻyicha rektor maslahatchisi, kengash raisi G.Xolmatova, fakultet boʻyicha xotin-qizlar yoʻnalishi mas’ullari hamda talaba-qizlar ishtirok etdi.
Mazkur uchrashuvda qizlarga odob-axloq, kiyinish va muomala madaniyati hamda gigiyena qoidalariga rioya qilish yuzasidan tavsiyalar berildi. Shuningdek, institutimizda talaba-qizlari uchun yaratilgan sharoitlar, toʻgaraklar faoliyati haqida maʼlumot berildi. Qizlar oʻzlari qiziqqan yoʻnalishlari boʻyicha toʻgaraklarga aʼzo boʻldilar.
Uchrashuvdan soʻng, turli salbiy holatlarning oldini olishga qaratilgan amaliy seminar-trening oʻtkazildi. Unda institutning ichki tartiblariga oid turli masalalar boʻyicha soʻzlandi hamda qizlarimizga maʼnaviy tarbiyaga bogʻliq alohida tushanchalar berildi. Seminar davomida talaba-qizlarga ayol kishini imidjini yaratish boʻyicha rasmlar chizdirilib, qobiliyatli qizlar saralandi. Shuningdek, talaba qizlar orasidan iste’dod va iqtidorlariga qarab turli yoʻnalishlar boʻyicha “Lider qizlar” jamoasi shakllantirildi.
