Talabalar turar joyida Andijon shahar FVB normal-texnik boʻlinmasi boshlig’i Sh.Xojimatov ishtirokida davra suhbati tashkil etildi. Davra suhbatida fakultetlarning dekan o’rinbosarlari, tyutorlar, talabalar turar joyi tarbiyachilari, texnik xodimlar ham qatnashib, unda mutaxassis tomonidan yongʻin holatlarining kelib chiqish sabablari, bartaraf etish usullari, avvalo, mazkur holatlarning oldini olishda talabalar oʻrtasida texnika xavsizligi borasidagi tushunchalarini shakllantirish, amaliy mashgʻulotlar olib borish boʻyicha maʼlumotlar berildi. Maskanda yongʻin sodir boʻlgudek boʻlsa, 101 raqamiga murojaat etish, talabalarni boshqa joyga ko’chirish jarayonlarining qonun-qoidalari borasida ham tushuntirib oʻtildi.