Bugun, 13 iyun kuni Andijon davlat tibbiyot institutida viloyat oliy ta’lim muassasalari o‘rtasida “Yagonasan, muqaddas Vatan!” qo‘shiqlar tanlovining 2-bosqichi o‘tkazildi. Mazkur tanlov O‘zbekiston Respublikasi Prezidentining “Yagonasan, muqaddas Vatan!” respublika ko‘rik-tanlovini o‘tkazish to‘g‘risidagi PQ-1091 qarorida belgilangan vazifalar hamda Oliy va o‘rta maxsus ta’lim vazirining 2019 yil 20 apreldagi 364-sonli buyrug‘i ijrosini ta’minlash maqsadida tashkil etildi.
Tadbirni ADTI ma’naviyat-ma’rifat bo‘limi boshlig‘i A.Abduhalimov ochib, ko‘rik-tanlovni o‘tkazilish tartibi va hay’at a’zolari bilan tanishtirdi.
Tanlovda Andijon davlat universiteti pedagogika fakultetining musiqa ta’limi yo‘nalishi 2-bosqich talabasi I.Abdullaeva “Vatandan ayro etma”, Andijon mashinasozlik instituti matbuot kotibi O.Odilov “Barcha uchun birdek aziz makon”, Andijon davlattibbiyot instituti davolash fakulteti 4-bosqich talabasi I.Hoshimov “Yoshlar madhi” nomli qo‘shiqlarini ijro etdilar.
Qo‘shiqlar ijrosini taniqli shoir va yozuvchilar Nusrat Abdusalom, Orifjon Meliev, Vosit Ahmadlardan iborat hay’at a’zolari odilona baholab bordilar.
Tanlov yakuniga ko‘ra, Andijon davlat universiteti talabasi I.Abdullaeva 1-, Andijon mashinasozlik instituti matbuot kotibi O.Odilov 2-, ADTI talabasi I.Hoshimov 3- o‘rinni egalladi.
Tanlov ishtirokchilariga diplomlar topshirildi.
