Joriy yilning 7–8-sentabr kuni Andijon davlat tibbiyot institutiga Xitoy Xalq Respublikasining «Hainan University of Science and Technology» universiteti vitse-prezidenti, doktor Pan Lin va Hamshiralik ishi fakulteti dekani, doktor Li Jun tashrif buyurdi.
Mehmonlarni institutning 2000 o‘rinli yangi o‘quv binosi hamda institut klinikasining bazalari bilan tanishtirildi.
Shundan so‘ng, ikki oliy ta’lim muassasasi o‘rtasida hamkorlik memorandumi imzolandi. Bundan ko‘zlangan asosiy maqsad ikki mamlakat o‘rtasida ta’lim sohasidagi hamkorlikni kuchaytirish, o‘qituvchilar hamda talabalarga tajribasini oshirishga imkon yaratishdan iborat bo‘ldi.
Ushbu uchrashuvda joriy yilning yanvar oyida Xitoy poytaxti Pekin shahrida bo‘lib o‘tgan O‘zbekiston-Xitoy ta’lim forumi doirasida imzolangan hamkorlik kelishuvlarini amalga oshirish bo‘yicha rejalar belgilab olindi.
