Oliy ta’lim, fan va innovatsiyalar vazirligining 2023-yil 15-sentabrdagi 419-sonli buyrug‘iga asosan, Andijon davlat tibbiyot instituti Xotin-qizlar masalalari bo‘yicha maslahat kengashi raisi va a’zolari faoliyati hamda ularga yaratilgan shart-sharoitlar Vazirlik ishchi guruhi tomonidan o‘rganildi.
Vazirlik ishchi guruhi a’zolari G.Xudayberdiyeva va B.Tursunovalarni institut Xotin-qizlar maslahat kengashi raisi G. Xolmatova kutib oldi va institutda xotin-qizlarga yaratilgan shart-sharoitlar, talaba-qizlarning bo‘sh vaqtlarini mazmunli o‘tkazishlari uchun tashkil qilingan “Qizlarjon” klubi uning doirasida faoliyat yuritayotgan chevarlik, pazzandalik to‘garaklari haqida ma’lumot berildi.
Shuningdek, institutda xotin-qizlar bilan ishlash tizimi yo‘lga qo‘yilganligi, ijarada yashovchi talaba-qizlar bilan olib borilayotgan, ularning ota-onalari bilan hamkorlikda bajariladigan ishlarning yo‘lga qo‘yilganligi haqida aytib o‘tildi.
Ishchi guruh tomonidan institutda xotin-qizlar masalasida amalga oshirilayotgan ishlar e’tirof etilib, kelgusida ham shu kabi faollikda davom etish zarurligi yuzasidan tavsiyalar berildi. Zero, ayolga e’tibor, jamiyatga e’tibor demakdir.
