Iqtidorli yoshlarni kashf etayotgan, ularning yangidan yangi gʻoya va loyihalarini qoʻllab-quvvatlayotgan “TECHNOWAYS” texnologik rivojlanish marafonining V mavsumi Andijonda oʻtkazilmoqda. Oʻzbekiston Respublikasi Innovatsion rivojlanish vazirligi hamda Andijon Yoshlar texnoparki tomonidan tashkil etilgan bu galgi tanlov har doimgidan-da oʻzgacha ruh kasb etdi. Unda barcha sohalarning rivoji uchun xizmat qiluvchi qiziqarli loyihalari bilan ishtirok etgan yoshlar qatorida Andijon davlat tibbiyot institutining “Yosh akademiklar” jamoasi ham munosib ishtirok etdi. Davolash fakultetining 5-bosqich talabasi Muhammadayub Boboyev, Kardiologiya mutaxassisligi magistri Islombek Bektashev hamda Tibbiy radiologiya mutaxassisligi magistri Asilbek Dilshodovning “Imkon” (simulyatsion trenajor moslamasi) loyihasi barchaning eʼtirofiga sazovor boʻldi.
Tanlovning yakuniy natijalariga koʻra, “Yosh akademiklar” jamoasi “Eng yaxshi texnologik yechim” nominatsiyasi boʻyicha 1-oʻringa munosib deb topildi va 30000000 soʻm pul mukofoti bilan taqdirlandi.
Gʻoliblar mazkur mukofotni bayram munosabati bilan ustozlariga bagʻishladilar.