Talabalar kuniga ham oz fursat qoldi. Mazkur bayramni munosib nishonlash maqsadida turli tadbir va tanlovlar oʻtkazilmoqda.
Andijon davlat tibbiyot instituti talabalari oʻrtasida “Zakovat” intellektual oʻyini tashkil etildi. Unda 15 ta jamoa ishtirok etdi. Oʻyinni Oʻzbekiston Yoshlar ittifoqi institut boshlangʻich tashkiloti faollari adolatli baholab bordilar. Ishtirokchilarga fan-taʼlim, tibbiyot sohasiga oid savollar bilan birga mantiqiy savollar ham berildi. Berilgan 12 ta savolning har biriga jamoalar aniq javob berdilar.
Shuningdek, oʻyin doirasida Rektor kubogi turniri ham oʻtkazildi. Unda 16 ta jamoa ishtirok etib, berilgan 16 ta savolga ham bilimdonlar batafsil javob berdilar. Ajabki, har ikki oʻyinda ham “Dominant” jamoasi gʻoliblikni qoʻlga kiritdi.
Tadbirlar doirasidagi faol va gʻolib talabalar Talabalar kunida munosib taqdirlanadilar.
