2021/2022-o‘quv yili uchun talabalar o‘qishini ko‘chirish, qayta tiklash bo‘yicha arizalar quyidagi elektron tizimlar orqali ro‘yxatdan o‘tkazilmoqda:
respublika OTMaro yoki bir OTM doirasida ko‘chirish, qayta tiklash bo‘yicha arizalar – transfer.edu.uz;
xorijiy mamlakatlardagi hamda O‘zbekistondagi xorijiy va nodavlat OTMdan respublika OTMga ko‘chirish bo‘yicha arizalar – transfer.dtm.uz.
Ayrim talabalar xorijiy yoki nodavlat OTMdan o‘qishini ko‘chirish bo‘yicha (adashgan holda) transfer.edu.uz elektron tizim orqali ro‘yxatdan o‘tishganligi aniqlanmoqda. Ushbu toifadagi arizalar qabul qilinmasligini eslatib o‘tamiz.
Shunga ko‘ra, o‘qishini xorijiy va nodavlat OTMdan respublika OTMga ko‘chirish istagida bo‘lgan talabalardan transfer.dtm.uz elektron tizim orqali ro‘yxatdan o‘tishi hamda arizasi holatini doimiy kuzatib borishini, zaruratga ko‘ra qayta ro‘yxatdan o‘tishlarini so‘raymiz.
Unutmang, ro‘yxatdan o‘tishning so‘nggi kuni 2021-yil 5-avgust (shu kuni ham).