Andijon davlat tibbiyot instituti rektori Madamin Madazimov tomonidan navbatdagi fuqarolar qabuli o‘tkazildi.

Bugun, 4-sentabr kuni bo‘lib o‘tgan qabul jarayonida fuqarolarning murojaatlari bevosita tinglanib, ularni qiynayotgan masalalar, taklif va tashabbuslar atroflicha muhokama qilindi.

Qabul davomida 5 nafar fuqaroning murojaati ko‘rib chiqilib, har bir masala yuzasidan tegishli tushuntirish va tavsiyalar berildi. Ayrim murojaatlarni joyida hal etish imkoniyatlari ko‘rib chiqilgan bo‘lsa, qo‘shimcha o‘rganishni talab qiladigan masalalar bo‘yicha mas’ul xodimlarga tegishli topshiriqlar berildi.

Fuqarolar bilan ochiq va samimiy muloqot qilish, ularning murojaatlariga befarq bo‘lmaslik, mavjud muammolarga amaliy yechim topish hamda qonuniy manfaatlarini ta’minlash institut rahbariyatining ustuvor vazifalaridan biri sifatida belgilangan.