O‘zbekiston va Ozarbayjon o‘rtasidagi do‘stona aloqalar ta’lim sohasida ham izchil rivojlanmoqda.

2026/2027-o‘quv yili doirasida Boku shahrida English Education Consulting tomonidan tashkil etilgan forumda Andijon davlat tibbiyot instituti vakillari ishtirok etib, hamkorlik shartnomalarini imzolagan edi. Natijada Ozarbayjondan 25 nafarga yaqin talaba institutimizga qabul qilindi.

Yaqinda English Education Consulting rahbari Ayten xonim institutimizga tashrif buyurib, institut rektori M.Madazimov bilan uchrashdi.

Uchrashuvda institutning yangi bo‘lim va fakultetlari, yaratilgan imkoniyatlar hamda ta’lim yo‘nalishlari tanishtirildi. Kelgusida Ozarbayjondan yanada ko‘proq talabalarni jalb etish va hamkorlik geografiyasini kengaytirish bo‘yicha kelishuvlarga erishildi.