Andijon davlat tibbiyot instituti professor-o‘qituvchilari tomonidan Izboskan tumani “A.Temur” MFY aholisi uchun chuqurlashtirilgan tibbiy ko‘rik tashkil etildi.

Aholiga tibbiy xizmatlarni yanada yaqinlashtirish, kasalliklarni erta aniqlash, mavjud xastaliklarni nazorat qilish hamda fuqarolarga malakali tibbiy maslahat va tavsiyalar berish maqsadida o‘tkazilgan ko‘rikda institutning 14 ta tibbiy mutaxassislik yo‘nalishi bo‘yicha professor-o‘qituvchilari va malakali mutaxassislari ishtirok etdi.

Tibbiy ko‘rik davomida mahallaning 200 nafarga yaqin aholisi turli yo‘nalishlar bo‘yicha chuqurlashtirilgan tibbiy ko‘rikdan o‘tkazildi. Shuningdek, tibbiy ko‘rikka kelish imkoniyati cheklangan 5 nafar 4-guruh bemorlarining holidan xabar olinib, ular yashash xonadonlarida uy sharoitida tibbiy ko‘rikdan o‘tkazildi. Mutaxassislar tomonidan bemorlarning sog‘lig‘i bilan bog‘liq holatlar o‘rganilib, zarur tibbiy tavsiya va ko‘rsatmalar berildi.