Andijon davlat tibbiyot institutida 1-oktabr — O‘qituvchi va murabbiylar kuni munosabati bilan tantanali bayram tadbiri o‘tkazildi.

Tadbirni institut rektori Madaminjon Madazimov kirish so‘zi bilan ochib, professor-o‘qituvchilar va murabbiylarni qutlug‘ sana bilan samimiy muborakbod etdi.

Rektor o‘z so‘zida ustoz va murabbiylarning yosh avlodga puxta bilim berish, ularni yuksak ma’naviyatli, fidoyi va malakali mutaxassislar etib tarbiyalashdagi beqiyos o‘rniga alohida to‘xtaldi.

Shuningdek, tibbiyot sohasi uchun yetuk kadrlar tayyorlash, ta’lim sifatini yuksaltirish hamda ilm-fan rivojiga munosib hissa qo‘shishda institut professor-o‘qituvchilarining zahmatli mehnati va fidoyiligi e’tirof etildi.