Andijon davlat tibbiyot institutida yoshlar o‘rtasida ma’naviy-ma’rifiy muhitni yanada mustahkamlash, diniy bag‘rikenglik va sog‘lom dunyoqarashni shakllantirish, turli yot g‘oyalarning salbiy ta’siridan yoshlarni asrash maqsadida "Tinchlik - oliy ne'mat!" va “Jaholatga qarshi ma’rifat bilan kurash!” mavzusida davra suhbati tashkil etildi.

Tadbirda Din ishlari bo‘yicha qo‘mitaning Andijon shahri bo‘yicha bosh mutaxassisi A.Muzrobxonov, institutning Yoshlar bilan ishlash, ma’naviyat va ma’rifat bo‘limi boshlig‘i F. Xojimatov, institut Profilaktika katta inspektori J. Xo‘jayev hamda faol talabalar ishtirok etdi.

Suhbat davomida bugungi globallashuv davrida yoshlarning mustaqil va tanqidiy fikrlash ko‘nikmalarini rivojlantirish, ishonchli axborot manbalaridan foydalanish, turli buzg‘unchi va yot g‘oyalarga berilmaslik, internet va ijtimoiy tarmoqlardan oqilona foydalanish masalalariga alohida e’tibor qaratildi.