Andijon davlat tibbiyot instituti rektori M.Madazimov institut klinikasi bo‘lim boshliqlari hamda kafedralar mudirlari ishtirokida uchrashuv o‘tkazdi.

Uchrashuv davomida klinika faoliyatining bugungi holati, amalga oshirilayotgan ishlar samaradorligi, mavjud imkoniyatlardan oqilona foydalanish hamda kelgusida bajarilishi lozim bo‘lgan ustuvor vazifalar atroflicha muhokama qilindi.

Shuningdek, klinika tarkibidagi bo‘limlar faoliyatini samarali tashkil etish, ish jarayonlarini tizimli yo‘lga qo‘yish, tibbiy xizmatlar sifatini yanada oshirish hamda mavjud muammolarni bartaraf etish masalalariga alohida e’tibor qaratildi.

Uchrashuvda bo‘limlar faoliyatini yo‘lga qo‘yish, ish samaradorligini ta’minlash va belgilangan vazifalar ijrosini tashkil etish bo‘yicha mas’ul rahbarlarning hisobotlari tinglandi. Bildirilgan fikr-mulohazalar asosida mavjud kamchiliklarni bartaraf etish, ish faoliyatida mas’uliyat va talabchanlikni kuchaytirish hamda har bir bo‘lim oldiga qo‘yilgan vazifalarning ijrosini ta’minlash yuzasidan tegishli topshiriq va tavsiyalar berildi.

Uchrashuv yakunida klinika faoliyatini yanada takomillashtirish, tibbiy xizmat ko‘rsatish sifatini oshirish, bemorlar uchun qulay shart-sharoitlarni yaratish hamda klinikaning moddiy-texnik va tashkiliy imkoniyatlaridan samarali foydalanish muhim vazifalar sifatida belgilab olindi.