2020-yil 29-may kuni Andijon davlat tibbiyot instituti rektori, professor M.M.Madazimov raisligida navbatdagi onlayn Ilmiy kengash yig‘ilishi bo‘lib o‘tdi. Kengash a’zolari – Ilmiy kengashlar zalida yig‘ilganlar va o‘z xonalarida turib bevosita kengash ishida ishtirok etdilar.
Onlayn Ilmiy kengash an’anaga ko‘ra ilmiy ishlarini himoya qilgan professor-o‘qituvchilarni qutlash bilan boshlandi. Kengash a’zolari institut ilmiy salohiyatini oshirishga xissa qo‘shayotgan xodimlarning kelgusi ilmiy faoliyatiga muvaffaqiyatlar tiladilar.
Kengash kun tartibidagi dastlabki masala – “Institutda ilmiy ishlarning bajarilishi” haqida ilmiy ishlar va innovatsiyalar bo‘yicha prorektor G‘.M.Xodjimatov xisobot berdi.
Kun tartibidagi “Institutda masofaviy ta’lim jarayonidagi yuzaga kelayotgan muammolar va ularni bartaraf etish choralari” mavzusi bo‘yicha o‘quv ishlari bo‘yicha prorektor A.Sh.Arziqulov hamda ta’lim sifatini nazorat qilish bo‘limi boshlig‘i G‘.U.To‘ychiyevlar ma’ruza qildilar.
Shuningdek, Kengash davomida “Institutning yangi 2020-2021 o‘quv yiligiga puxta tayyorgarlik va 2019-2020 o‘quv yili yakunlari”, “Professor-o‘qituvchilarining yillik attestatsiyadan o‘tkazish va uning natijalari” va boshqa masalalar ham muhokama qilindi.
Andijon davlat tibbiyot instituti Ilmiy kengashining onlayn yig‘ilishida ko‘rib chiqilgan masalalar yuzasidan tegishli qarorlar qabul qilindi.
ADTI axborot xizmati