Bugun, 2023/2024-o‘quv yili uchun oliy ta’lim muassasalariga kirish imtihonlarining ikkinchi kuni test sinovlari boʻlib oʻtmoqda.
Imtihon topshirilayotgan hudud yaqinidagi “Olimpic” tantanalar saroyida test sinovlarida ishtirok etayotgan abituriyentlarning ota-onalariga qulay sharoit yaratilgan bo‘lib, bu yerda institut rektori M.Madazimov abituriyentlarning ota-onalari va yaqinlari bilan uchrashib, suhbatlashdi. Suhbat davomida bugungi kunda mamlakatimizda olib borilayotgan islohotlar, oliy ta’lim tizimidagi yangiliklar haqida aytib o‘tdi.
Shuningdek, instituti jamoasidan iborat “Volontyorlar guruhi” aʼzolari tomonidan ota-onalar bilan suhbatlar olib borilib, sotsiologik so‘rovnomalar, psixologik treninglar o‘tkazilmoqda.
Eslatib oʻtamiz, test sinovlari 13-avgustga qadar kuniga ikki smenada o‘tkaziladi:
1-smena — 08:00 dan 11:00 gacha;
2-smena — 15:00 dan 18:00 gacha.
