Jalaquduq tumanida Prezidentimizning “Birlamchi tibbiy-sanitariya yordami muassasalari faoliyatiga mutlaqo yangi mexanizmlarni joriy qilish va sogʼliqni saqlash tizimida olib borilayotgan islohotlar samaradorligini yanada oshirish chora-tadbirlari toʼgʼrisida”gi Farmoni ijrosi yuzasidan 24-OP «Doʼstlik» MFYda aholi orasida «Sogʼlom hayot» dasturini targʼib etish yuzasidan tuman Oila shifokorlari va patronaj hamshiralariga trening oʼtkazildi. Tadbirda mahorat darslari oʼtkazilib, trenerlar tayyorlandi va «Bolalar maktabi», «Аyollar maktabi», «Gipertoniklar» maktablarini ochish boʼyicha seminarlar oʼtkazildi.
Unda oʼz yoʼnalishlari boʼyicha tumandagi barcha DPM rahbarlari, bosh hamshiralar, MFY raislari, maslahatchilar, aholi vakillari, ota-onalar, mahalla faollari ishtirok etdilar. Mahalliy tibbiyot birlashmalaridan qatnashgan tibbiyot xodimlariga institutning sertifikatlari topshirildi. MFYdan seminarda qatnashgan aholi farzandlariga esdalik sovgʼalari berildi. Seminar yakunida olingan bilim va koʼnikmalarni tumanning barcha MFYlarida davom ettirishga kelishib olindi.
