Bugun Andijon davlat tibbiyot instituti bayramona tus oldi. Davolash hamda Pediatriya fakultetlarining bitiruvchi bosqich talabalari shifokorlik faoliyatiga yo‘llanma – bakalavr diplomini oldilar.
Ma’lumot o‘rnida shuni aytish mumkinki, Davolash fakultetini 266 nafar, Pediatriya fakultetini esa 186 nafar talabalar tamomladi. Ularning ish bilan bandligi ta’minlanib, hozirda ular tibbiyot muassasalarida faoliyat olib borishmoqda.
Tadbirni institut rektori M.Madazimov ochib berdi va bitiruvchilarni muborakbod etdi. Eng faol talabalarning ota-onalariga tashakkuurnomalar ham taqdim etildi. Bu kunni orziqib kutgan talabalar ham so‘z oldilar. Shundan so’ng bitiruvchilar Shifokorlik qasamyodini qabul qildilar.
