Andijon davlat tibbiyot instituti rektori M.Madazimov 5-bosqich talabalari bilan uchrashuv oʻtkazdi.
Uchrashuv avvalida Oʻzbekiston Respublikasi Konstitutsiyasi qabul qilinganligining 30 yillik munosabati bilan Konstitutsiyamiz tarixi, boʻlimlar va moddalar, unda tibbiyot va taʼlim sohasiga oid fuqarolarning huquq va burchlariga alohida toʻxtalib oʻtildi.
Shundan soʻng talabalarga institutda kiyinish odobi, darslarda faol ishtirok etish, boʻsh vaqtlarni mazmunli oʻtkazish, yoshlar oʻrtasida jinoyatchilik va huquqbuzarliklarni oldini olish, toʻgaraklarda faol boʻlish kabi mavzular boʻyicha taʼkidlab oʻtildi.
Beshinchi bosqich talabalarining ayrimlari bitiruvchi bosqich talabalari boʻlgani bois ularga darsdan boʻsh vaqtlarida tibbiyot muassasalarida ishlash va talabalarni ish bilan taʼminlash borasida amalga oshirilayotgan imkoniyatlar xususida ham maʼlumotlar berib oʻtildi.
Oʻz oʻrnida talabalar ham qiziqtirgan savollariga javob oldilar.
