Zahiriddin Muhammad Bobur nomidagi axborot-kutubxona markaziga viloyatimizning barcha ijod ahli va kitobsevarlar jam bo‘ldi. Boisi “Kitob moziy darakchisi, bugungi kun tarbiyachisi va murabbiysidir” mavzusidagi kitobxonlik haftaligiga start berildi.
Unda markaz direktori G.Ismailova, viloyat Yozuvchilar uyushmasi rahbari X.Qo‘chqarova hamda Andijon davlat tibbiyot instituti Davolash fakulteti dekani o‘rinbosari M.O‘lmasov, psixolog O‘.Arziqulov, tyutor M.Mamajonova hamda talabalar ishtirok etdi.
Tadbirda so‘z olganlar markaz faoliyati to‘g‘risida ma’lumot berdilar. Shuningdek, haftalik doirasida turli madaniy-ko‘ngilochar tadbirlar o‘tkazilishi va yangi adabiyotlar bilan tanishish imkoniyati bo‘lishini ta’kidladilar.
