O’zbekiston Respublikasi Davlat madhiyasi qabul qilinganligining 30 yilligi munosabati bilan Andijon davlat tibbiyot institutida “Madhiyam – shodlik qo’shig’im!” mavzusida tadbir bo’lib o’tdi. Tadbir O’zbekiston Respublikasining Davlat madhiyasi bilan boshlandi.
Unda dastlab, Yoshlar masalalari va ma’naviy-ma’rifiy ishlar bo’yicha birinchi prorektor S.Salohiddinov institut rektori M.Madazimovning bayram tabrigini o’qib, eshittirdi.
Shundan so’ng, psixolog O’.Arziqulov madhiyamizning qabul qilinishi bilan bog’liq qiziqarli ma’lumotlarni aytib o’tdi va barchani bayram bilan tabrikladi. Navbatda esa, talabalar tomonidan ijro etilgan kuy-qo’shiq va raqslar barcha tadbir qatnashchilariga ko’tarinki kayfiyat bag’ishladi.
