Andijon davlat tibbiyot instituti qoshida Marhamat tumanida Gastroenterologiya va endokrinologiya sohasidagi surunkali kasalliklarni diagnostika, davolash va profilaktika qilish boʻyicha “innovatsion usullarni joriy etish” loyihasi doirasida tashkil etilgan markaz toʻliq ish boshladi. Markazda zamonaviy laborotoriya tashkil etilib, tibbiy texnik asbob-anjomlar bilan jihozlangan. Bundan tashqari, UTT, EGDS apparati bemorlarni koʻrikdan oʻtkazishda qoʻl kelmoqda.
Aholi uzogʻini yaqin qilib, ularga samarali tibbiy xizmat koʻrsatish, kasalliklarni erta aniqlash maqsadida tuman aholisi malakali mutaxassislar tomonidan markazning oʻzida chuqurlashtirilgan tibbiy-koʻrikdan oʻtkazildi.
