Andijon davlat tibbiyot instituti Pediatriya fakulteti talabalari va tyutorlari hamkorligida “Milliy liboslarda barhayot qadriyatlar” mavzusida tadbir tashkil etildi.
Tadbirda institut rektorining Xotin-qizlar masalalari bo‘yicha maslahatchisi G.Xolmatova ishtirok etib, o‘zbek xalqining urf-odat, an’analarini o‘zida jam etgan atlas, adras, beqasam matolaridan tikilgan liboslarning betakrorligi va jozibasi haqida so‘z yuritdi. Bu kabi tadbirni tashkil qilganlari uchun tashabbuskorlarga minnatdorchilik bildirdi.
Shundan so‘ng, tadbir davomida talabalar tomonidan milliy-mumtoz kuy-qo‘shiqlarimiz ijro etildi. Jonli tarzda aytilgan “Alla” qo‘shig‘i esa barchani bir zum bolalik chog‘lariga qaytardi. Har bir so‘zida onalar mehri, orzu-umidlari qo‘shib aytiladigan bu qo‘shiq iqtidorli talaba-qiz tomonidan mahorat bilan ijro etildi.
Milliy liboslar namoyishi esa barchani yana bir karra betakror liboslar jilosidan bahramand etdi.
