Yoshlar bilan ishlash boʼyicha prorektor Mirzohid Botirov Nammuhandislik qurilish instituti talabalari bilan uchrashuv oʼtkazdi. Unda institutning bir qator sheʼriyat ixlosmandlari ishtirok etdilar. “Derazangni och” nomli yangi kitobining yozilish tarixi, undagi sheʼrlar mazmuni va kitobxonlar eʼtiborini tortatidigan jihatlari xususida soʼzlab bergan muallif sheʼrlaridan namunalar ham oʼqib berdi. Ma’naviyat, kitobxonlik madaniyati haqida mahorat darslari ham tashkil etildi. Savol-javob va chinakam sheʼriyat kechasiga aylangan tadbirda barcha talabalar qiziqqonlik bilan qatnashdilar. Eng faol 20 dan ortiq talabalarga kitoblar taqdim etildi.
