Rahbar va talabalar uchrashuvi davom etmoqda. Kirib kelayotgan Yangi yil oldidan Andijon davlat tibbiyot instituti rektori M.Madazimov Stomatologiya fakultetining 4- va 5-bosqich talabalari bilan uchrashuv oʻtkazdi. Unda institut rahbari talabalarga darslarda faol ishtirok etish, modul-kredit tizimi, darsdan boʻsh vaqtlarini mazmunli oʻtkazish, institutda tashkil etilgan toʻgaraklarda hunar va xorijiy tillarni oʻrganish, salbiy illatlar taʼsiriga tushib qolmaslik borasida alohida taʼkidlab oʻtdi.
Shuningdek, instiut klinikasida qurilish va bunyodkorlik ishlari jadal surʼatlar bilan davom etayotgani, talabalarning sifatli bilim olishlari uchun eng zamonaviy oʻquv xonalari va maʼruza zallari, amaliy mashgʻulot oʻtkaziladigan markazlar bunyod etilayotgani haqida maʼlumot berib oʻtdi.
