Bugun Andijon viloyatidagi oliy taʼlim muassasalari talabalari oʻrtasida teatr studiyalari festivalining 2-hududiy saralash bosqichi boʻlib oʻtdi.
Festivalda Andijon davlat universitetining “Humo” jamoasi “Tikonsiz tipratikon”, Andijon qishloq xoʻjalik va agrotexnologiyalar institutining “Vorislar” jamoasi “Davlat bolalari”, Andijon mashinasozlik institutining “Nihol” jamoasi “Inson qadri” hamda Andijon tibbiyot institutining “Shifokorlar” jamoasi “Gʻaflat” spektakllarini namoyish etilar.
Tanlovning yakuniy natijalariga koʻra, Andijon davlat tibbiyot institutining “Shifokorlar” jamoasi rejissyor Azimaxon Yuldasheva pyesasi asosida sahnalashtirilgan “Gʻaflat” spektakli ijrosi uchun mutloq gʻolib deb topilib, tanlovning 3-mintaqaviy bosqichida ishtirok etish huquqini qoʻlga kiritdilar.
Eslatib oʻtamiz, tanlovning keyingi bosqichi joriy yil 3-noyabr kuni Toshkent shahrida boʻlib oʻtadi.
Institutimiz jamoa aʼzolariga navbatdagi bosqichda ham omad tilaymiz!!!