U eng yaqin do‘st, qadrdon hamroh, kelajak yo‘llarimzni yoritguvchi chiroq… Kitob bilan inson kamolotga yetadi. Har kim o‘z qiziqishlaridan kelib chiqib kitob tanlaydi. Institutimizda esa talabalar uchun barcha imkoniyatlar yetarli.
– Kutubxonamizda bugungi kunda 27173 nomda 222685 nusxadagi kioblar bor, – deydi ARM direktori Muhtaram Ahmedova.- Quvonarlisi shuki, 2021-yilning 1-choragida 166 nomdagi 1432 nusxada yangi adabiyotlar keltirildi. 4 nomdagi darsliklar, 3 nomdagi ilmiy, 148 nomdagi badiiy, 10 nomdagi siyosiy va boshqa o‘zbek, rus, xorijiy tillardagi adabiyotlarni talabalarimiz uchun foydalanishga topshirdik. Kuni kecha badiiy adabiyotlar ko‘rgazmasini tashkil etdik. Unda ishtirok etgan kitobsevar yoshlarimizni ko‘rib benihoya quvondim.
Kitob ixlosmandlari uchun yana bir xabarni yetkazishni joiz deb bildik. “Kitobxonlik haftaligi” boshlanmoqda. Siz ham unda faol qatnashing!