Yosh olimlar, magistrlar, iqtidorli talabalar diqqatiga!
Sizlarni joriy yilning 28-aprel kuni Andijon davlat tibbiyot institutida “Tibbiyotning dolzarb muammolariga innovatsion yondashuv” mavzusida O‘zbekiston Respublikasi Sog‘liqni saqlash vazirligi rejasiga kiritilgan Respublika ilmiy-amaliy anjumaniga taklif qilamiz.
Mazkur ilmiy-amaliy anjuman xorijiy yosh olimlar ishtirokida gibrid (onlayn va oflayn) tarzda o‘tkazilishi rejalashtirilgan.
Unda respublika va xalqaro tibbiyot oliy ta’lim muassasalarining yosh olimlari, magistrlari va iqtidorli talabalari ishtirok etishlari mumkin.
Anjumanda ishtirok etish istagida bo‘lgan izlanuvchilar o‘z ma’ruza va tezislarini 2023-yil 24-aprel kuniga qadar quyidagi manzilga yuborishlari so‘raladi: yosholim@bk.ru
Batafsil ma’lumotlar bilan quyidagi axborot xatida tanishishingiz mumkin.